Triples i,
Pas de souci ! Ce n'est que partie remise pour votre vampire. Il est toujours nominé.
Victoire Ingabire yasuwe n'umuhungu we baherukanaga mu myaka 12 ishize
Umunyapolitiki utavuga rumwe n'ubutegetsi bw'u Rwanda, Ingabire Umuhoza Victoire yasuwe n'umuhungu we Rist Shimwa Muyizere baherukanaga mu mwaka w'2010 ubwo yari afite imyaka 8 y'amavuko.
Ingabire kuri uyu wa 13 Ukwakira 2022 yashyize kuri Twitter ifoto ari kumwe n'umuhungu we ku kibuga cy'indege mpuzamahanga cya Kigali, maze yongeraho ubutumwa bugira buti: "Nyuma y'imyaka 12, mfite ubwuzu bwinshi bwo kongera kubona bucura bwanjye. U Rwanda ruragendwa!"
Mu 2010 ni bwo Ingabire yavuye mu Buholandi, aza mu Rwanda afite gahunda yo kwiyamamariza umwanya w'Umukuru w'Igihugu gusa ntibyamuhiriye kuko ubutabera bwatangiye kumukurikiranaho ibyaha birimo kugambanira igihugu agamije guhungabanya umudendezo wacyo no gupfobya jenoside yakorewe Abatutsi.
Ingabire wafunzwe kuva mu Kwakira k'uwo mwaka, yakatiwe igifungo cy'imyaka 15 mu 2013 gusa mu gihe atari yakarangije igihano, ahabwa imbabazi n'Umukuru w'Igihugu, afungurwa mu 2018, gusa itegeko ntirimwemerera kujya hanze y'igihugu mu gihe imyaka yakatiwe itararangira.
Umuhungu we amusuye nyuma y'umukobwa we w'imfura, Raissa Ujenesa wamusuye muri Kanama 2020, ari kumwe n'umwuzukuru.
- Ingabire yishimiye kongera guhura n'umuhungu we yasize akiri muto
- Ujeneza na we yamusuye mu 2020, nyuma y'imyaka 10 batabonana
