[Rwanda Forum] Kenya - Uganda: Prezida Museveni yasavye imbabazi aba Kenya kubera Tweets z'umuhungu wiwe - BBC News Gahuza

Kenya - Uganda: Prezida Museveni yasavye imbabazi aba Kenya kubera Tweets z'umuhungu wiwe - BBC News Gahuza
https://www.bbc.com/gahuza/articles/cgrq87pd8l1o

Prezida Museveni yasavye imbabazi aba Kenya kubera Tweets z'umuhungu wiwe

Haciye amasaha 5

Getty Images

Museveni avuga ko ivyo kunenga ikindi gihugu hari inzego bivugirwamwo

Mw'itangazo yasohoye kuri uyu wa gatatu, prezida Museveni yavuze ko asavye imbabazi, asaba abanye Kenya ikigongwe, kandi ko abakozi ba reta, baba abasivile canke abasirikare, babujijwe kwivanga mu vy'igihugu kivukanyi.

Ku musi wa mbere Gen Kainerugaba yanditse ama tweets menshi, yateye ishavu ryinshi abanye Kenya ku mbuga hwaniro.

Muri imwe muri izo tweets, yavuze ko we n'abasirikare biwe vyobatwara indwi zibiri gusa mu gufata umugwa mukuru wa Kenya, Nairobi.

• Muhoozi Kainerugaba ubwe yivanye kuri Twitter12 Ukwa kane 2022
• Uganda iritandukanya na Tweets z'umuhungu wa prezida4 Ukw'icumi 2022
• Umuhungu wa Museveni yatangaje ko avuye mu gisirikare8 Ukwa gatatu 2022

Mu yindi, yavuze ko yababajwe n'uwahoze ari prezida wa Kenya Uhuru Kenyatta kuba yaratanze ubutegetsi, mu gihe vyari vyoroshe gutsinda ayandi matora.

Ku rubuga rwa twitter, Prezida Museveni yanditse at "ndasavye benewacu na bashiki bacu b'abanye Kenya kutubabarira kubera tweets zanditswe na Gen Muhoozi".

Ku musi wa kabiri, prezida Museveni yarirukanye Gen Kainerugaba mu mabanga yo kurongora ingabo zigwanira ku butaka ariko aca amuha ipeta rya mbere rya gisirikare muri ico gihugu.

Mw'itangazo ryiwe ryo ku musi wa gatatu, Museveni yasiguye ko yamwongeye ipeta kubera ibintu vyinshi vyiza Gen Kainerugaba yakoze n'ivyo abandanya gukora.

###

"Hate Cannot Drive Out Hate. Only Love Can Do That", Dr. Martin Luther King.

###